Kunstråsa er eit samarbeidsprosjekt starta i 2009 der fleire kunstgalleri i Ørsta kommune har gått saman for å fremje kunsttilboda, blant anna er det laga felles brosjyre. Siste åra har kunstlivet, med utspring både av private initiativ og det frivillige organisasjonsarbeidet, vokse kraftig i Ørsta. Med felles brosjyre ønskjer vi å vise tilboda av kunstopplevingar i Ørsta og gjere kunsten lettare tilgjengeleg.
I tillegg til felles brosjyre samarbeidar galleria i Kunstråsa om felles opningstider på utvalte datoar. Med i samarbeidet er Ivar Aasen-tunet med Steinhuset/ galleriet, Galleri Bjørk ved Marita Bett Jensen, Kunstdesign ved Eve Lis Eikrem og Kunsthuset/ Ørsta Kunstlag.